- Шартарап
- 21 Қазан, 2020
Қырғызстанда Парламенттік сайлау қайта өтетін күн белгілі болды
Қырғызстанның Жогорку Кенешіне қайта сайлау 2020 жылы 20 желтоқсан күні өтеді. Мұндай шешім елдің Орталық сайлау комиссиясының отырысында қабылданды.
Естеріңізде болса, 4 қазан күні Қырғызстанда Жогорку Кенешке депутаттарды сайлау өтті.
Депутаттық мандатқа 16 партия үміткерлік етті. Дауыс берудің алдын ала мәліметі бойыншы, 7% межені 4 партия еңсерді.
Ал, 5 қазан күні сайлау нәтижесіне көңілі толмаған бір топ адам орталық алаңда қарсылық шараларын ұйымдастырды. Жалпы қарсылық шараларынан 911-адам зардап шекті.
ОСК 6 қазан күні Бішкекте басталған қақтығыстардан соң сайлау нәтижесін жоққа шығаруға мәжбүр болған.
Жағдай тұрақталмағандықтан президент Сооронбай Жээнбеков отставкаға кетті.
560 рет
көрсетілді0
пікір