• АҚПАРАТ АҒЫНЫ
• 27 Қазан, 2020

Мемлекеттік рәміздерді қолдану ережесін қайта қарау керек – Тоқаев

Президент Қасым-Жомарт Тоқаев мемлекеттік рәміздерді кеңінен қолдануға қатысты бастаманы қолдайтынын жеткізді. Бұл туралы президент twitter-дегі парақшасында жазды.

«Парламенттің бірқатар депутаттары мен патриот азаматтардың еліміздің мемлекеттік рәміздерін, атап айтқанда, ҚР мемлекеттік туын кеңінен қолдану туралы ұсынысын қолдаймын»,-деп жазды президент.

Сонымен қатар, Тоқаев қолданыстағы заңнамада туымызды пайдалануға қатысты шектеулер бар екенін де жасырмады.

«Мысалы, пәтерлердің балконына немесе үйлердің қабырғасына ту ілуге тиым салынған. Заңнамалық және нормативтік актілерді, ең алдымен, Мемлекеттік рәміздерді пайдалану қағидаларын қайта қарау қажет»,-деді мемлекет басшысы.