Тікелей эфир
Тікелей эфир
МАҢЫЗДЫ
  • Таным
  • 30 Қазан, 2020

Абайдың «Қара сөздері»‎ чех тілінде жарық көрді

Абай Құнанбайұлының 175 жылдығын мерекелеу аясында Қазақстан елшілігі ҚР Ұлттық академиялық кітапханасымен бірлесіп ұлы ақын мен ағартушының чех тіліне аударылған «Қара сөздері» кітабының онлайн таныстырылымын өткізді.

Іс-шараға Қазақстан мен Чехияның белгілі қоғам қайраткерлері, ғылыми топтары мен бұқаралық ақпарат құралдарының өкілдері қатысты.

Қазақстандық дипломаттар бүгінде Қазақстан Тәуелсіздіктің 30 жылдығы қарсаңында тұрған кезде ұлы Абайдың сөздері ерекше мәнге ие болатынын атап өтті.

Чехияның «Азия достары тобының» жетекшісі, профессор, философия ғылымдарының докторы Иржи Шима кітаптың жарық көруі чех жұртшылығына әлемдік әдебиеттің дамуы мен қалыптасуына өлшеусіз үлес қосқан дара ақынының шығармашылығымен танысуға мүмкіндік беретініне сенім білдірді.

Қазақтың ойшылы және ақыны Абай Құнанбайұлының кітабы теңдесі жоқ басылым.  Ол чех оқырмандарына қазақ халқының тарихы мен дәстүрін тереңірек түсінуге мүмкіндік беретініне және біздің мәдениеттерімізді жақындастыратынына кәміл сенеміз сөзсіз, – Карлов университетінің профессоры Томаш Кучера.

Чех бұқаралық ақпарат құралдары өкілдерінің сөздері де қызығушылықпен тыңдалды.

Қазақстандық тараптан презентацияға бейне байланыс арқылы «Қазақстан Жазушылар одағының» төрағасы, ақын Ұлықбек Есдәулет, ҚР еңбегі сіңген қайраткері, М.Әуезов атындағы әдебиет және өнер институтының директоры Кенжехан Мамытжанов, ҚР Ұлттық академиялық кітапханасының бас директорының орынбасары Әлия Қожабекова қатысты.

 Чех тіліне аударылған Абайдың «Қара сөздерін» Қазақстан елшілігі Прагадағы білім беру мекемелерінің кітапхана қорларына жібереді.

baq.kz

 

110 рет

көрсетілді

0

пікір
Алдыңғы мақала Намазалы Омашев - 70 жаста!
Келесі мақала «Астана Балет» театрында премьералар кеші өтті

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *