Тəртіп сақшылары кəсіпкерлерге негізсіз айып таққан

Үш меншік иесіне санитарлық талаптарды орындамады деп негізсіз әкімшілік хаттама толтырған. Бұл жөнінде бүгін Алматы қалалық кәсіпкерлер палатасы ұйымдастырған онлайн жиында айтылды. 6 қараша күні Түріксіб ауданында құрылған мониторингтік топ киім сататын дүкендегі санитарлық нормалардың сақталуын, адамдардың бетперде тағуын тексерген. Сол кезде дүкенге келушінің бірінде бетперде болмаған. Бірақ айыппұл әлгі адамға емес дүкен иесіне салынған. Істің мән-жайын анықтау барысында хаттаманың негізсіз толтырылғаны анықталды.