Бұл туралы бүгін аймақтың бас санитар дәрігері Айнагүл Мусина хабарлады. Жаңа қаулы бойынша 28 қарашадан бастап бұл шаһарларға кіріп-шығуға тыйым салынады. Себебі вирус өршіп барады. Мәселен, өткен аптада өңірде 257 жағдай тіркелсе, осы аптада 444 адам қауіпті дерт жұқтырған. «Ал олардың көбі Көкшетау және Степногорск қалаларынан», – дейді мамандар. Бұл шаһарларға тұрғындар жұмыс орнынан анықтама немесе емхананың жолдамасы секілді құжаттармен ғана кіріп-шыға алады.