Тікелей эфир
Тікелей эфир
МАҢЫЗДЫ
  • Аймақ тынысы
  • 27 Қараша, 2020

Қосшы ауылы елордаға қосылуы мүмкін

Ақмола облысы әкімі Ермек Маржықпаев Қосшы ауылының елорда аумағына қосылуы мүмкіндігіне қатысты пікір білдірді, деп хабарлайды ҚазАқпарат тілшісіне сілтеме жасаған Kazgazeta.kz.

«Бұл мәселе тұрғындардың көбісін алаңдатып жүр. Бұл елді мекенде 50 мыңнан астам адам тұрып жатыр. Осы ауылға қатысты жағдайды Мемлекет басшысы, Үкімет басшылығы ерекше бақылауда ұстап тұр. Бұл тұрғыда бірнеше рет талқылаулар да болды, яғни ауылдың қаржылық әрі экономикалық бағыттары есептелді. Алайда осы мәселені ұлттық санақ жүргізгенге дейін шегердік. Біз алдымен ол елді мекенде қанша адам тұрып жатқанын нақты анықтауымыз керек», - деді әкім Орталық коммуникациялар қызметінде.

Оның айтуынша, шаруашылық кітаптағы тізім бойынша Қосшыда 36 мың адам тұрып жатыр. Үйлерді аралау кезіндегі мәліметте 60 мың адам бар екені анықталды. Ал коммуникауия мен телефондар бойынша 55 мың адам тіркелгені белгілі болды.

«Осы әртүрлі мәліметті ескеріп, ауылда қанша адам тұратынын айқандау қажеттігі бар. Осының барлығын пысықтап, тиісті шешім қабылданады», - деді Ермек Маржықпаев.

Еске сала кетейік, Елімізде ұлттық санақ жүргізу бір жыл кейінге қалды.

Үкімет өткен жылы 19 маусымда 2020 жылы ұлттық санақ өткізу туралы қаулы шығарған. Оған сәйкес, Қазақстан Республикасының ұлттық халық санағы биылғы 1-30 қазан аралығында өтуге тиіс еді. Елімізде коронавирус инфекциясының таралуы мен енгізілген карантин шараларына байланысты ұлттық халық санағын 2021 жылғы қазан айына ауыстыру жөнінде шешім қабылданды.

 

611 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз