Әкім "Тақиялы періштені" қабылдады

"Бүгін 85 жасқа толуына орай белгілі актер, ардақты қария, «Тақиялы періште» атанған Әлімғазы Райымбеков ақсақалды қабылдадым.

Актерлік шеберлігінен бөлек, көңілі дариядай кең, баладай аңғал, ақ жүрек азаматтың адами болмысын жақсы көремін. Ағамызды Қазақстанның қай түкпірінде болсын жазбай таниды. Сексен жастың бел ортасына келсе де ардақты аға әлі тың, алып денелі батырдай. Лайым осындай еңселі қалпынан танбай, жүзге жетсін!

Алпыс жылдан астам уақыттан бері өмірдің барлық белестерінде бірге келе жатқан жұбайы Гүлжауар апа екеуі он бала тәрбиелеп-өсірген. «Ұрпақтарыңызбен ұзақ жасап, тәуелсіз еліміздің жемісті жылдарына куә болып аман жүріңіз», — деп ардагер ағалармен бірге тілек білдірдік",- деп жазды Алматы облысының әкімі Амандық Баталов өзінің фейсбук парақшасындағы жазбасында.