Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 04 Желтоқсан, 2020

Бизнеске арналған барлық қызмет онлайн платформаға көшеді

Ұлттық экономика министрі Руслан Дәленов 2020 жылғы 1 қаңтардан бастап микро және шағын бизнеске қатысты тексеру жүргізуге 3 жылдық мораторий қолданылып жатқанын еске салып, шара шеңберінде 1 мыңға жуық шағын және орта бизнес субъектісі тексеруден босатылғанын жариялады.

Министрдің мәлімдеуінше, «Бизнеске арналған үкімет» онлайн-платформасы негізінде мемлекет пен бизнестің өзара іс-қимылының жаңа форматы іске қосылды. Ол арқылы 200-ге жуық мемлекеттік қызмет пен мемлекеттік қолдау шарасы ұсынылды.

«Өз бизнесін дамыту мәселесі бойынша қызметтердің барлық спектрін онлайн-режимде пайдалануға болады. 11 өңірде толық форматты офлайн кеңселер жұмыс істейді», – деді Руслан Дәленов.

2021 жылға қарай бизнеске арналған барлық қызметтер онлайн-платформаға интеграцияланып, 6 өңірде офлайн офис іске қосылады.

«Биыл бизнес-ахуалды жақсартуға бағытталған реформалардың 8-пакеті қабылданды. Бірқатар қызметтер электронды форматқа ауыстырылды. Жылжымайтын мүлік мәмілелерінің қауіпсіздігі артты, құрылысқа қатысты бірқатар талаптар алынып тасталды», – деді Ұлттық экономика министрі.

227 рет

көрсетілді

0

пікір
Алдыңғы мақала Қазақтар үздік ондыққа енді
Келесі мақала Қазақстанда алғаш рет «Сұлтан Бейбарыс» балеті сахналанады

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *