• АҚПАРАТ АҒЫНЫ
• 15 Қаңтар, 2021

Елордада түнде 17 000 текше метрден астам қар шығарылды

Бүгін, яғни 15 қаңтар күні Нұр-Сұлтанда қар жинау жұмыстарына 900-ден астам арнайы техника мен 2000-ға жуық жол жұмысшы жұмылдырылды, деп хабарлайды әкімдіктің ресми сайты.

14 қаңтардан 15-іне қараған түні 17 313 текше метр қар шығарылды. Бірінші кезекте, ереже бойынша жолдарда кептеліс болмауы үшін қозғалысы өте қарқынды учаскелер тазартылады. Одан әрі орташа қарқынды учаскелер – алаңдар, вокзал маңындағы аумақтарға көңіл бөлінеді.

Естеріңізге сала кетейік, жиналған қар елорданың аудандарында орналасқан он бір полигонға шығарылады. Қалада қар жинау 24/7 режимінде жүргізіледі. Полигондарда бақылау үшін фото-және бейнекамералар орнатылған.