Тікелей эфир
Тікелей эфир
МАҢЫЗДЫ
  • Таным
  • 16 Қаңтар, 2021

«Тәуелсіздік тірегі - бірлік» атты қоғамдық-мәдени іс-шара өтті

Достық үйінде «Қоғамдық келісім» КММ мен «Рухани жаңғыру» бағдарламасын басқару орталығының ұйымдастыруымен «Бірлік» ақсақалдар Кеңесінің Тәуелсіздіктің 30 жылдығына арналған «Тәуелсіздік тірегі - бірлік» атты қоғамдық-мәдени іс-шарасы өтті.

Биылғы жаңа 2021 жыл ел егемендігінің тарихы, тұғырлы Тәуелсіздігімізге 30 жыл. Айтулы дата аясында ұйымдастырлған шараның негізгі мақсаты: мемлекетіміздің айбарлы һәм айбынды ел болып қалыптасу жолында кездескен қиындықтары мен жеткен жетістіктерін өскелең ұрпаққа дәріптеу, бір шаңырақ астындағы тұрып жатқан ұлт өкілдерінің бейбіт өмірін насихаттау болды.

Мерекелік шараға Ақтөбе облысының Ішкі саясат басқармасы басшысының  орынбасары Ж.Төлегенов, «Қоғамдық келісім» КММ-нің директоры Н.Ағниязов, ҚХА хатшылығының меңгерушісі М.Қорғанбаева, ҚХА жанындағы барлық Кеңестер мүшелері, ЭМБ төрағалары, «Рухани жаңғыру» орталығының қызметкерлері,  мектеп оқушылары мен «Қоғамдық келісім» КММ-нің мамандары, БАҚ өкілдері қатысты.

Іс-шара барысында ҚХА жанындағы «Бірлік» ақсақалдар Кеңесінің төрағасы Е.Құрманбеков ақтөбеліктерді Тәуелсіздіктің 30 жылдық мерейтойымен құттықтап, біздің  мемлекет болып қалыптасу мен дамудағы басты күшіміз – бірлік пен татулық екендігін баса айтты. Бірлік бар жерде тірлік те, өсу де, даму да болады деген төраға, бұл шараның жастарға ой салып, оларды отанды сүюге, өз елінің шын патриоты болуға бағытталатындығын айтып, мерейтой аясында жерлестерін 30 жақсы іс, 30 қайырымды қадам, 30 игі бастама жасауға шақырды.

Мәдени шарада Тәуелсіз Қазақстанда құрылған бірегей институт Қазақстан халқы Ассамблеясының жұмыстары баяндалып, ортақ шаңырақ астындағы этнос өкілдерінің өмірлері көрсетілді.

«Қоғамдық келісім» КММ-нің басшылығымен «Бірлік» ақсақалдар Кеңесі Тәуелсіздіктің 30 жылдығын кеңінен атап өтуге алғашқылардың бірі болып бастау беріп, Ассамблея жанындағы барлық Кеңестер мен өңірдегі ЭМБ орталықтарына жолдады.

Мәдени-сазды шарада «Қоғамдық келісім» КММ-нің сарапшысы, әнші-сазгер, әріптесіміз А.Мәжікбаев пен ЭМБ жанындағы шығармашылық ұжымдар және «Атамекен-Асылым» ансамблінің бірлескен концерттік бағдарламасы қойылды.

Мемлекеттік тілде өткен мерекелік концертте «Оксана» халықтық хоры, «Купава» фолк-модерн тобы, «Дэш» сыған ансамблі, «Святло» поляк ЭМБ-нің мүшелері әннен шашу шашып, көрермендердің қошеметіне  бөленді. Бағдарламада «Қазақстан кең далам», «Атамекен», «Өз елім», «Саржайлау», «Арайлы Ақтөбем», «Дударай» секілді халық әндері мен  патриоттық әндер шырқалды.

Іс-шарада «Купава» фолк-модерн тобы, «Оксана» халықтық хоры, «Атамекен-Асылым» ансамблі  «Ақтөбе облысының Ішкі саясат басқармасы» ММ-нің басшысы А.Купеновтың  арнайы Алғыс хатымен марапатталды.

Қазақстандықтар үшін ең ұлық мерекеміз саналатын Тәуелсіздіктің 30 жылдығын мерекелеу аясында өткен мәдени іс-шараның соңында  достығы жарасқан 17 ұлт өкілі мемлекеттік туды көкке көтеріп, ЭМБ жанындағы шығармашылық ұжымдардың орындауындағы «Атамекен» әнімен аяқталды.

 

 

 

 

471 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *