• Шартарап
• 19 Қаңтар, 2021

Хоккейден әлем чемпионаты Минскіде өтпейтін болды

Минскіде биыл өтуі тиіс болған хоккейден әлем чемпионаты кейінге шегерілді.

Себебі Беларусьте командалардың, көрермендердің және ресми тұлғалардың амандығын қамтамасыз ету мүмкін емес.

Мұндай шешімді Халықаралық хоккей федерациясының кеңесі қабылдады. Турнир 21 мамыр мен 6 маусым аралығында Минск мен Ригада өтуі тиіс болатын.

Естеріңізге сала кетейік, әртүрлі еуропалық қоғамдық ұйымдар осы әлем чемпионатын Беларусьтегі қиын саяси жағдайға байланысты ауыстыруды талап еткен еді. Словакия мен Дания аталған жарысты өткізуге қазірден ниет білдіріп отыр.