• Аймақ тынысы
• 26 Қаңтар, 2021

Ақтөбеде өртенген үйден адам денесі табылды

Ақтөбе облысы, Мұғалжар ауданы, Темір мост ауылында үй өртеніп кетті. Үй иесінің денесі табылды. Бүгін сағат 11:50-де Мұғалжар ауданы Темір мост ауылында тұрғын үйден өрт шыққаны туралы хабарлама түсті. Шақырту орнына аудандық өрт сөндіру бөлімінің жеке құрамынан 3 адам, 1 техника жіберілді. «Өрт 14:09-да толығымен сөндірілді. Өрттің жалпы аумағы 100 шаршы метрді құрады. Оқиға орнында 1966 жылғы үй иесінің денесі табылды. Қазіргі уақытта өртенген үйдің бөлшектерін талдау жұмыстары жүргізіліп жатыр», - деді облыстық ТЖД баспасөз қызметі.