• Аймақ тынысы
• 22 Ақпан, 2021

ШҚО-да бірқатар жолда көлік қозғалысы шектелді

Шығыс Қазақстан облысындағы бірқатар тасжолда көлік қозғалысы шектелді.

«Қазавтожол» ЖШС Шығыс Қазақстан облыстық филиалының мәліметіне сүйенсек, 22 ақпан күні сағат 15-10-нан бастап күннің бұзылуына, нақты айтқанда қар еріп, жолдың дұрыс көрінбеуіне байланысты республикалық маңызы бар «Омбы-Майқапшағай» тасжолының 756-906-шақырымында (Семей қаласы мен Қалбатау ауылының аралығы) және «Өскемен-Риддер-РФ шекарасы» тасжолының 15-105 шақырымында (Белоусовка кенті мен Риддер қаласының аралығы) жүк көліктері мен автобустардың қозғалысына шектеу қойылды.

Осы ретте, облыстық Төтенше жағдайлар департаменті тұрғындарға алыс сапарға шықпауға, жолдардың жай-күйін «Дәрмен» мобильді қосымшасы арқылы тексеріп отыруға кеңес береді.