- АҚПАРАТ АҒЫНЫ
- 25 Ақпан, 2021
Президент баспана мәселесін қалай шешпек?
Қазақстан президенті Қасым-Жомарт Тоқаев алдағы уақытта елімізде қолжетімді, сапалы тұрғын үйлер салынатынын айтты.
⠀
Президент үкіметтің қаңтардағы кеңейтілген отырысында тұрғын үй саясатын жетілдіру үшін жаңа ұсыныстарды енгізуді тапсырғанын айтты.
⠀
«Үкімет айтарлықтай тиімді ұсыныстар берді. Жалпы бұл ұсыныстарды қолдаймын. Дегенмен нарықтың өз ережесі бар. Нақты экономикалық факторларға байланысты құрылыс компаниялары қазір арзан үй салуға мүдделі емес», - деді Қасым-Жомарт Тоқаев Ұлттық сенім кеңесінің отырысында.
⠀
Оның айтуынша, осыған байланысты қолжетімді, сапалы үй салуды жандандыру үшін құрылыс компанияларымен «off-take» келісім немесе алдын ала сатып алу келісімін жасау керек. Бұл елімізде қолжетімді, сапалы үйлер салуға мүмкіндік береді.
⠀
«Соған сәйкес тұрғын үйлер «Нұрлы жер» бағдарламасындағы бағамен сатып алынады. Мұндай тәсіл сынақ жобалары аясында алдын ала пысықталды. Енді мұны ел бойынша жүзеге асырған жөн. Бұл – қадам аз уақыттың ішінде құны қолжетімді жаңа тұрғын үйлер салуға мүмкіндік береді», - деп түйіндеді сөзін.
573 рет
көрсетілді0
пікір