Тікелей эфир
Тікелей эфир
МАҢЫЗДЫ
  • Аймақ тынысы
  • 03 Наурыз, 2021

400 гектар жерге қара өрік отырғызылды

Түркістан әуежайына барар жолдың бойы бау-бақшаға айналып, 400 гектар аумаққа 200 мың түп қара өрік көшеттері отырғызылды. Бұл туралы Түркістан облысы әкімінің баспасөз қызметі хабарлады.

Заманауи бау-бақша израильдік озық технологиясы бойынша тамшылатып суару жүйесімен жабдықталған. Облыс әкімі Өмірзақ Шөкеевтің тапсырмасымен қолға алынған жобаның нәтижесінде үш жылдан соң 1 гектардан 20 тоннаға дейін өнім алуға болады. Мұнда жергілікті ауа-райына қолайлы қара өріктің Black Splendоr, Black Diamond және Angeleno секілді ең шырынды сұрыптары егілді.

Түркістан облысының әкімі Өмірзақ Шөкеев жобаның жүзеге асырылуын пысықтады. Бұл аумаққа қосымша қауын егуге болатынын айтып, осыған орай арнайы мамандарды атсалыстыруды тапсырды. Кентау қаласына қарасты Шаға ауылдық округінің аумағына жайғасқан жайқалған бау-бақша «Түркістан» ЭКК» АҚ мен «Dala – Fruit» ЖШС бірлескен күшімен іске асырылуда.

Қаладағы құрылыс алаңдарын аралаған өңір басшысы жаңадан салынып жатқан ғимараттарда болып, құрылысшылармен кездесті. Мәдени-рухани орталықтың қайталанбас үлгісін сақтауды тапсырған облыс әкімі құрылысты белгіленген мерзімге сәйкес тапсыруды жүктеді. Ең алдымен сапаға баса мән беруді міндеттеді.

209 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *