• Таным
• 05 Наурыз, 2021

Жазушы әңгімелер жинағын табыстады

Бүгін Қолжазбалар және сирек кітаптар ұлттық орталығына жазушы, ғалым Нұрдәулет Ақыш арнайы келді.

Алматыдан келген құрметті мейманымызға Ұлттық орталық директоры Мәлік Отарбаев қордың жұмысын таныстырды. Біздің орталығымызда реставрация зертханасы, көрме және оқу залдары жұмыс істейді. Қорымызда жалпы саны 11 мыңға жуық кітап сақталған.

Жазушы Нұрдәулет Ақыш халқымыздың жазба мәдениетін, тарихи мұрасын бүгінгі күнмен сабақтастырып, сақтап, қайта қалпына келтіріп отырған Ұлттық орталықтың жұмысына табыс тіледі. Бұл тұста өзінің әңгімелер жинағын табыстады.