Тікелей эфир
Тікелей эфир
МАҢЫЗДЫ
  • Құмсағат
  • 06 Наурыз, 2021

Қазақстандық әскерилер – Римдегі турнирдің чемпиондары

Италия астанасында армия спортшылары екі алтын және күміс медаль жеңіп алды. Маттео Пелликонаны еске алуға арналған күрес түрлері бойынша халықаралық рейтингтік турнир басталды.

Оған 32 елден 350-ден астам спортшылар қатысуда.

Бірінші жарыс күнінің қорытындысы бойынша Армия орталық спорт клубы спорт ротасының мерзімді қызмет әскери қызметшісі ефрейтор Айдос Сұлтанғали (63 кг) және спортшы-нұсқаушы Мейіржан Шермаханбет (67 кг) грек-рим күресінен чемпион атанды. Күміс медальді әскери Балуан сұлтан Әсетұлы (63 кг) жеңіп алды.

- Біздің спортшылар лайықты өнер көрсетті.  Дене дайындығы мен шеберліктері жоғары деңгейде болды. Айта кету керек, финалда 63 келіге дейін салмақта әскери спортшылар Айдос Сұлтанғали мен Сұлтан Әсетұлы бас сынады. Турнирдің жеңімпазы Айдос Сұлтанғали, ал күміс жүлдегер Сұлтан Әсетұлы атанды,-деп хабарлады ОСК грек-рим күресінен команданың аға жаттықтырушысы, Халықаралық дәрежедегі спорт шебері Нұрым Дүйсенов.

Естеріңізге сала кетейік, бұл жарыста олимпиадалық лицензиялар ойнатылмайды. Жарыстар іріктеу кезінде ескерілетін спортшылардың рейтингіне әсер етеді.

 

262 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *