Тікелей эфир
Тікелей эфир
МАҢЫЗДЫ
  • Шартарап
  • 02 Сәуір, 2021

Кубада барлық тұрғынға отандық вакциналар салынады

Куба биылғы жылдың аяғына дейін барлық тұрғындарына екпе салады, деп хабарлайды «Хабар 24».

Мұнда отандық екпе қолданылады. Бұл туралы BioCubaFarma компаниясының өкілдері мәлімдеді.

Наурызда мамандар жергілікті 5 препараттың екеуін соңғы рет сынақтан өткізіп, қолдану үшін бекіткен. Вакциналау науқаны қазір ел астанасы Гаванада қарқынды жүргізіліп жатыр. Билік екпені мамырдың аяғына дейін аяқтаймыз деп отыр.

Біз дайындаған вакциналардың тиімділігі жоғары болады деп сенеміз. Бұған осыған дейін жасалған сынақтардың нәтижесі нақты дәлел бола алады, – дейді BioCubaFarma компаниясының президенті Эдуардо Мартинес.

Сарапшылардың айтуынша, АҚШ салған санкциялардың зардабын тартқан Куба отандық биомедицина саласын өз күшімен дамытуға мәжбүр болған. Бұл іс нәтижесіз емес. «Бостандық аралы» респираторлар, өкпені жасанды жолмен желдету құралдары мен коронавирус жұқтырған науқастарға қажет басқа заттарды өздері өндіреді. Көршілес Мексика мен Ямайка, сондай-ақ Венесуэла мен Иран кубалық вакциналарға тапсырыс берген.

 

268 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *