Тікелей эфир
Тікелей эфир
МАҢЫЗДЫ
  • Аймақ тынысы
  • 07 Сәуір, 2021

Түркістанда азық-түлік қымбаттады

«Азық-түлік бағасын негізсіз көтергендер жазаланады». Бұл туралы Түркістан облысында «Әлеуметтік маңызы бар азық-түлік тауарларының бағасын тұрақтандыру және негізсіз өсірмеу» мәселесіне арналған жиында айтылды.

Мамандардың мәліметінше, соңғы айларда әлеуметтік маңызы бар азық-түлік тауарының бағасы айтарлықтай өскен. Әсіресе күнбағыс майы мен қанттың бағасы шарықтап кеткен. 

Расында да кейбір азық-түлік түрлерінің қымбаттап кеткені байқалады. Оны облыстық Кәсіпкерлік және сауда басқармасы, Бәсекелестікті қорғау және дамыту агенттігінің Түркістан облысы бойынша департаменті мен тұрақтандыру қорының жауапты мамандары да растап отыр.

Жауапты сала мамандарының айтуынша, бағаны негізсіз көтергендер жазаланады. Жыл басынан бері осындай 25 жағдай тіркеліп, нұсқама берілген. Кемшілікті елемеген 19 адам жауапкершілікке де тартылған. Облыс әкімдігі бағаны тұрақтандыру мақсатында өңірдегі үш ірі тауар өндірушімен келісімге келді. Бұдан бөлек жақында 350 тоннадан астам күнбағыс майы тұрақтандыру қорына сатып алынады. Сондай-ақ Түркістан қаласының аумағында орналасқан 13 әлеуметтік дүкен мен 5 ірі супермаркетте ұн, қант, картоп, сәбіз, пияз, күріш, макарон, тұз арзандатылған бағамен сатылып жатыр.

 

619 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз