- Безбен
- 17 Сәуір, 2021
Чехияда Қазақстан Тəуелсіздігінің 30 жылдығына орай конференция өтті
Прагада Қазақстан Тәуелсіздігінің 30 жылдығына орай онлайн-конференция ұйымдастырылды.
Қазақстан елшілігі мен Ұлттық академиялық кітапхана бастамашы болған шараға Чехия ғалымдары, сарапшылары мен БАҚ өкілдері қатысты. Жиын барысында қазақстандық дипломаттар еліміздің тәуелсіздік жылдарындағы саяси және әлеуметтік-экономикалық дамуының негізгі жетістіктерін баяндады.
Өз кезегінде конференцияға қатысушылар еліміздің экономикалық өсу жолына жоғары баға беріп, әлемдік аренадағы саяси рөлін ерекше атап өтті.
Сонымен қатар іс-шара барысында екі ел өкілдері Қазақстан-Чехия сауда-экономикалық және мәдени-гуманитарлық ынтымақтастықты дамыту перспективаларын тілге тиек етті.
Кездесу соңында конференция қатысушылары Қазақстан халқын мерейтойлық датамен құттықтап, елімізге өркендеу мен сәттілік тіледі.
505 рет
көрсетілді0
пікір