- АҚПАРАТ АҒЫНЫ
- 11 Ақпан, 2015
Қытай хакерлері АҚШ-тың Forbes сайтын бұзды
Қытай хакерлері АҚШ-тың қорғаныс және қаржы компанияларының деректерін бақылау үшін Forbes сайтын бұзды, деп хабарлайды Bnews.kz.
iSIGHT Partners және Invincea компаниясының киберқауіпсіздік саласында жұмыс істейтін мамандар тексеру жүргізіп, 2014 жылдың қарашасында ҚХР хакерлері Forbes сайтындағы «Thought of the Day» виджетінің бағдарламалық кодына өзгерістер енгізген. Пайдаланушы сайтқа кіріп, виджетті іске қосқан уақытта компьютерге автоматты түрде қауіпті бағдарлама орнатыла бастайды.
Компания мамандарының айтуынша, Forbes сайтына 2014 жылдың 28 қарашасы мен 1 желтоқсаны аралығында кірген пайдаланушылар хакерлердің шабуылына ұшыраған. Хакерлер сайтты бұзу үшін Internet Explorer интернет-браузері мен Adobe Flash Player бағдарламалырының олқы тұстарын пайдаланған. Мамандардың пайымдауынша, мұның барлығын жасап отырғандар – Codoso хакерлер тобы болуы мүмкін. The Washington Post басылымы жариялаған деректерге сүйенсек, бұрын бұл топ АҚШ-тың қаржы, энергетика және мемлекеттік компаниялары мен мекемелерінің жүйелеріне де шабуыл жасаған.
567 рет
көрсетілді0
пікір