Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 31 Шілде, 2017

«Мектепке жол»: Биыл 300 мыңнан астам оқушыға көмек көрсетiлмек

Ертең елiмiзде жыл сайынғы «Мектепке жол» акциясы басталады. Биылғы оқу жылында 300 мыңнан астам оқушыға көмек көрсетiлмек және бұл көрсеткiш 300 мыңмен шектелмейдi. ОКҚ брифингi барысында ҚР БҒМ Балалардың құқықтарын қорғау комитетiнiң басқарма басшысы Ысқақ Құлатай осылай дедi, деп хабарлайды Baq.kz тiлшiсiне сілтеме  жасап  Kazgazeta.kz.

 ҚР Бiлiм және ғылым министрлiгi Балалардың құқықтарын қорғау комитетi әдетте жаңа оқу жылының басталуына бiр ай қалғанда «Мектепке жол» жалпыреспубликалық қайырымдылық акциясын өткiзедi. Оныншы жыл қатарынан ұйымдастырылып келе жатқан акция биыл 2017 жылғы 1 тамыздан 30 қыркүйекке дейiнгi кезеңде «Менiң таңдауым – балаларға көмек көрсету!» ұранымен өтедi. 2 айлық iс-шараның мақсаты – аз қамтылған және көп балалы отбасылар, жетiм балалар мен ата-анасының қамқорлығынсыз қалған балаларға көмек көрсету.

«Қазiргi таңда жергiлiктi атқарушы органдар 300 мыңға жуық оқушының тiзiмiн жасақтады. Оларға көмек мектеп пен бiлiм бөлiмдерi арқылы көрсетiледi. Бұл көрсеткiш 300 мыңмен шектелiп қалмайды. Егер мұқтаж ата-аналар болса, олар кез келген уақытта өз мектебi мен бiлiм бөлiмiне хабарласып, балаларды тiзiмге енгiзiп, көмек ала алады», - дедi Ысқақ Құлатай.

Ал ҚР БҒМ Балалардың құқықтарын қорғау комитетi төрағасының орынбасары Мәншүк Әбдiкәрiм өткен жылы 320 мыңға жуық оқушы 2 млрд 468 млн 785 теңге көлемiнде көмекке ие болғанын айтты.

«Былтыр материалдық көмекпен қамтылған мұқтаж балалар саны бойынша Жамбыл, Қарағанды, Қызылорда, Ақтөбе облыстары көш бастады. Бұл өңiрлерде 30 мыңнан астам бала «Мектепке жол» акциясына қатысты. Ал тартылған қаржы бойынша көш басында Алматы, Қарағанды, Жамбыл, Оңтүстiк Қазақстан облыстары болды. Бұл аймақтарда әр өңiрге тартылған қаржы көлемi 500 млн теңгеден асты. Қол ұшын берген азаматтардың арқасында былтыр барлығы 300 мыңнан астам оқушы қажеттi құралдармен мектепке барды», - дейдi Мәншүк Әбдiкәрiм.

Айта кетейік, көмекке мұқтаж отбасылар мен оларға қолдау көрсеткiсi келетiн азаматтар Балалардың құқықтарын қорғау комитетiне 8-7172-74-21-40 немесе комитеттiң қауырт желiсiне 74-25-28, сондай-ақ, облыстардың, Астана және Алматы қалаларының бiлiм басқармаларына хабарласа алады.

712 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз