Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 23 Қараша, 2017

Жер жаңғақ түрлі ауруға шипа

Жер жаңғақтың пайдасы көп. Оның негізгісі – йод жетіспеушілігінен туындайтын гипотиреоз ауруында ем. Гипотиреоз ағзада қалқанша безі гормондарының жетіспеушілігі салдарынан пайда болатын дерт. Одан әлемде миллиондаған адам зардап шегеді. Гипотиреоз ағзадағы зат алмасу процесстерін тежеп, денсаулықта түрлі ақаулардың пайда болуына әкеледі. Атап айтсақ: - созылмалы шаршау - дене салмағының артуы - іштің қатуы - зат алмасудың бұзылуы - сөйлеу мен қимылдың бәсеңдеуі (баяулауы) - күйгелектік пен ашушаңдық - суыққа сезімталдық - холестерин деңгейінің артуы - ісіну Әйел адамдар гипотиреозга ерлерге қарағанда 10 есе жиі шалдығады екен. Гипотиреоз кеселі әсіресе 35 жастан соң жиі кездеседі. Сырқаттарға берілетін дәрі-дәрмектер ағзаны бір жағынан емдесе, екінші жағынан зиянын тигізеді. Сол себепті химиялық дәрілерді қабылдаған кезде аллергия болмаған жағдайда, жер жаңғақ қоспасын да ішуге болады. Бірақ бұл емді дәрігердің кеңесінен соң ғана қабылдаған жөн болар. Жаңғақтың құрамында С дәрумені, йод және цинк көп. Сондықтан бүлінбеген, жасыл түрлерін терген абзал. Егер де жасыл жаңғақтардан шырын бөлінсе, демек піскен болып саналады. Жер жаңғақтың құрамында дәрумендер, минералдар, эфир майлары, органикалық қышқылдар мен йод көп. Бал қосылып, үгітілген жаңғақ ағзаны жасартумен қатар, қан тазалайтын, асқазан ойық жарасы мен ісіктерді емдейтін қасиеті бар. Жасыл жер жаңғақ тұнбасы - 1 кг жасыл жер жаңғақ - 1кг табиғи, таза бал - әйнек ыдыс Дайындау тәсілі Жуылған жаңғақтарды майдалап тұраған соң, әйнек ыдысқа салып, бал құйыңыз да, 1 айға қараңғы жерге қойыңыз. Содан соң, жаңғақтарды алып тастап, тұнбасын сүзгілеңіз. Дайын болған қоспаны тамақ ішер алдында 1 шай қасықтан күніне үш рет қабылдауға болады. Бұл тұнба иммунитетті, есте сақтау қабілетін жақсартады, жұмысқа қабілеттілікті арттырады және қан аздықты, әлсіздікті, гипотиреозды емдейді. Қақаған қыс мезгілінде бұл тұнба таптырмас ем.

Дайындаған Үміт Жұмаділова

8941 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз