• АҚПАРАТ АҒЫНЫ
• 15 Қаңтар, 2018

Қазақстанның үш облысында ауа райына байланысты ескерту жарияланды

«Қазгидромет» мамандарының мәліметіне сүйенсек, еліміздің үш өңірінде ауа райына байланысты ескерту жарияланған.

Түнде Маңғыстау өңірінде сынап бағанасы 22 градусқа дейін төмендеп, шыңылтыр аяз болады. Ал Оңтүстік Қазақстан облысында тұман түседі. Көктайғақ болып, боран соғады. Шығыстан ескен жел күшейіп, екпіні секундына 15-20 метрге жетеді. 15-17 қаңтар аралығында Қызылорда облысының бірқатар аймағында да солтүстік шығыстан күшті жел соғады.