- АҚПАРАТ АҒЫНЫ
- 28 Қаңтар, 2018
2017 жылы 14,5 мыңнан астам адам әлеуметтік көмек алды
Өткен жылы «Есіл» ауданында 600 зейнеткерді, 100 көпбалалы және тұрмыстық жағдайы төмен отбасылар, мүмкіндігі шектеулі 200 баланы қамтыған 65 қайырымдылық іс-шара өткізілді, деп хабарлайды Baq.kz ақпарат агенттігі Астана әкімдігінің ресми сайтына сілтеме жасап.
Ермағанбет Бөлекпаевтың айтуынша, халықтың аз жұмылдырылған тобына нысандардың қолжетімді болуын қамтамасыз ету үшін жыл сайын мекемелерде құжаттандыру жүргізіледі. Осы уақытқа дейін 186 нысан, оның ішінде 148 шағын және орта бизнес құжаттандырылған.
«Рухани жаңғыру» бағдарламасын жүзеге асыру барысында, өткен жылы жасы үлкен аға ұрпақ үшін бос уақытын өткізетін алты мини-орталық ашылды», – деді Бөлекпаев.
Аудан әкімі кездесу барысында «Алтын алқа», «Күміс алқа» белгісімен 30 көпбалалы ананың марапатталғанын хабарлады.
Қазіргі таңда «Есіл» ауданында 16 мыңнан астам зейнеткер тұрады, оның ішінде 8 - ҰОС ардагері, 349 - тыл еңбеккері, 3 491 - мүмкіндігі шектеулі адам бар.
654 рет
көрсетілді0
пікір