- АҚПАРАТ АҒЫНЫ
- 11 Сәуір, 2018
Лас-Вегаста Головкиннің жекпе-жегі өтпейтін болды
Невада штатындағы Атлетикалық комиссия (NSAC) Лас-Вегастағы MGM Grand аренада 5 мамырға жоспарланған Геннадий Головкиннің жекпе-жегі өтпейтінін мәлімдеді, деп хабарлайды Baq.kz ақпарат агенттігі Sports.kz сайтына сілтеме жасап.
Егер боксшы 5 мамыр күні рингке шығатын болса, жекпе-жек Лос-Анджелес қаласының сыртында орналасқан Карсоне қалашығында, StubHub Center шаршы алаңында өтеді.
Еске сала кетсек, бұған дейін BoxRec.com сайты GGG келесі жекпе-жегі өтетін орын ретінде Карсонды белгілеген еді. Әзірге Головкиннің нақты қарсыласы анықталған жоқ. Болуы мүмкін кандидаттар арасында ирландиялық Гэри О Саливан мен украиналық Сергей Деревянченко бар. АҚШ боксшысы Ванес Мартиросянның кандидатурасы бұл тізімнен алынып тасталды.
544 рет
көрсетілді0
пікір
