- Аймақ тынысы
- 09 Қараша, 2018
Түркістанда «БИЗНЕСТІҢ ЖОЛ КАРТАСЫ 2020» БАҒДАРЛАМАСЫ АЯСЫНДА 1500 жобаға қаржылай қолдау көрсетілді
Түркістан облысында 2018 жылдың 1 қазаны бойынша тіркелген шағын және орта кәсіпкерлік субъектілері саны – 140 992, оның жұмыс істеп тұрғаны – 129 424. «Бизнестің жол картасы 2020» бағдарламасы аясында 2010 жылдан қазіргі таңға дейін 43 млрд. теңгеге 1500 жобаға қаржылай қолдау көрсетілген. Бұл туралы Түркістан облысы әкімінің баспасөз қызметі хабарлайды.
Түркістан облысының Өңірлік коммуникациялар қызметінде өткен брифингте Кәсіпкерлік және индустриалды инновациялық даму басқармасының басшысы Ғанибет Әубәкіров мәлімдегендей, 6 мыңнан астам жаңа жұмыс орындары құрылып, бюджетке 63 млрд. теңгенің салығы түскен.
Ағымдағы жылы бұл бағдарлама аясында 4,4 млрд. теңгеге 400 жобаға қолдау көрсетілген. «Атап айтқанда, кәсіпкерлердің банктердегі кредиттері бойынша пайыздық ставканы субсидиялауға 4,2 млрд.теңге бөлініп, 350 жоба субсидияланған. Кәсіпкерлердің банктердегі кредиттері бойынша ішінара 102 млн.теңге бөлініп, 30 жоба кепілдендірілген. Шағын кәсіпкерлік субъектілеріне мемлекеттік гранттар ұсынуға 60 млн. теңге қаралып, 20 жобаға мемлекеттік гранттар ұсынылған», - деді басқарма басшысы.
Түркістан облысында ағымдағы жылдың 9 айы бойынша негізгі капиталға тартылған инвестиция көлемі 163,5 млрд.теңгені құрады. Бұл тұрғыда Созақ ауданы (26,1 млрд.теңге), Түркістан қаласы (16,6 млрд.теңге) және Шардара ауданы (15 млрд.тг) көш бастап келеді. Инвестиция көзі болып табылатын жеке инвестициялар көлемі 94 млрд. теңгені құраған.
910 рет
көрсетілді0
пікір