Тікелей эфир
Тікелей эфир
МАҢЫЗДЫ
  • Аймақ тынысы
  • 12 Қараша, 2018

МАҚТААРАЛДЫҢ 90 ЖЫЛДЫҚ МЕРЕЙТОЙЫ ҚАРСАҢЫНДА ЖАППАЙ СЕНБІЛІК ӨТТІ

Қарашаның 16,17,18 күндері өтетін Мақтаарал ауданының 90 жылдық мерейтойына дайындық жұмыстары басталып кетті.  Аудан әкімінің бастамасымен аудан көлемінде жаппай сенбілік ұйымдастырылып, әсіресе мерейтой өтетін Мырзакент кентінің орталық алаңы мен Атакент кентінің орталық стадионын көріктендіру жұмыстары жасалды. Бұл туралы Мақтаарал ауданы әкімінің баспасөз қызметі хабарлайды.

Өңір басшысы Б.Асанов тазалық жұмысының барысымен танысу үшін аудан орталығы Мырзакент кенті мен Атакент кенттерін аралап көрді. Сенбілік барысында орталық көшелердегі тозған билбордтарды дереу жаңартып, кәсіпкерлер тарапынан бейресми ілінген жарнамалық баннерлерді алып тастау үшін тиіс мекемелерге тапсырма берді.

«Ауданның кіреберісінен бастап Мырзакент кентіне дейінгі республикалық жолдардың бойында  90 жылдық мерейтойға байланысты билбордтар орнатылуы тиіс. Тұрғындар мерекелік көңіл-күйде болуы үшін Мырзакент пен Атакент кенттерінің орталық көшелеріне ленталар ілініп, тазалық барлық жерде сақталуы керек» - деді Бақыт Нәсірханұлы.

Сенбілікке мемлекеттік қызметкерлерден бастап, білім, спорт, денсаулық сақтау мекемелерінің, жекеменшік мекемелердің қызметкерлері белсене қатысты.

Айта кетерлігі, аудан көлемінде өткен тазалық іс-шарасына 2 кент, 9 ауылдық округтен 2 мыңнан аса адам және 30-дан аса техника қатысып, 410 тонна ретсіз күл-қоқыс шығарылды. 48 шақырым көшенің бойлары, 12 шақырым аяқжолдар тазаланып, ретке келтірілді. Одан бөлек, көпқабатты үйлердің аумақтары мен кіреберістері, 1431 шаршы метр үй іргелік аулалар, 903 шақырымды құрайтын ирригациялық жүйелер қоқыстан арылды.

 

513 рет

көрсетілді

0

пікір
Алдыңғы мақала Түркістан қаласының тұрғындарының саны 2050 жылы 500 000 адамға жетпек  
Келесі мақала Атырау облыстық әкімдігі мен Қалмақ Республикасы Үкіметі ынтымақтастық туралы келісімге қол қойды

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *