• Айна
• 07 Ақпан, 2019

Димаш АҚШ-тағы The World's Best шоуында өнер көрсетті

Қазақстандық әнші Димаш Құдайберген The World's Best ("Әлемнің үздіктері") шоуында өнер көрсетіп, көрермендерді өзінің өнерімен тәнті етті. Оның жоба барысында айтқан әнінің тизері көпшілік назарына жарияланды.

Димаш Құдайберген Қытайдағы I'm а Singer байқауында айтқан S.O.S d'un terrien en détresse композициясын орындады. Оның өнеріне тәнті болған сарапшылар Димаш ән айтқанда орнынан тұрып, қол шапалақтады.

"Сен The World's Best шоуының құрылуына себепшісің", - деді судьялардың бірі, актер Ру Пол Андре Чарльз.

Сондай-ақ, бұл «Junior Eurovision 2018» байқауында 6 орынға ие болған  қазақстандық әнші қыз Данэлия Төлешова да қатысты.