• АҚПАРАТ АҒЫНЫ
• 08 Сәуір, 2019

Бес күнде 50-ге жуық пәтер тонаушы ұсталды

Алматы облысында «Пәтер» арнайы шарасы жалғасуда. 5 күннің ішінде жетісулық полицейлер 46 пәтер тонаушыны қолға түсірді. «Алғашқы бес күнде 56 пәтер ұрлығы ашылды. Олардың ішінде 34 қылмыс бұрын жасалғандар санатында. Арнайы шара барысында ұрланған заттарды алып-сату нүктелері тексерілуде», - деп мәлім етті Алматы облыстық Полиция департаментінен. Атап өтілгендей, ұсталған 46 күдіктінің пәтер ұрлықтарына нақты қатысы бары анықталып отыр. Дереккөз: inform.kz