Тікелей эфир
Тікелей эфир
МАҢЫЗДЫ
  • Аймақ тынысы
  • 22 Сәуір, 2019

ТҮРКІСТАНДА «АГРОӨНЕРКӘСІП КЕШЕНІНІҢ ОЗЫҚ ТЕХНОЛОГИЯЛАРЫ» АТТЫ КӨРМЕ ӨТТІ

Түркістан қаласында  «Агроөнеркәсіп кешенінің озық технологиялары» атты көрме өтті, деп хабарлайды  облыс әкімінің баспасөз қызметі.

Облыс  әкімі  Өмірзақ Шөкеев бастаған топ ең алдымен ауыл шаруашылығы саласындағы озық технологиялармен танысты. Көрмеде көпшілікке ауыл шаруашылығы өнімдері, асылтұқымды төрт түлік малдың түрлері мен заманауи техникалар ұсынылды. Сондай-ақ, көрмеде шаруаларға сүт қабылдау бекеттерінің жұмысы көрсетіліп, салмағы 1 тоннадан асатын «Абердин – ангус» бұқалары мен асылтұқымды қаракөл қойларының  ерекше  түрлерін  көруге мүмкіндік болды. 

Көрмеде заманауи техникалармен жабдықталған ауыл шаруашылығына арналған арнайы машиналар мен құрал-жабдықтар көпшілік назарына ұсынылды. Ауыл шарушылығы техникаларынан әлемге танымал Джон-Дир, Ламборджини, Сампо-лев сынды тракторлары көрсетілді. Егін шаруашылығы бойынша минералды тыңайтқыштар, гербицид, пестицид және тағы басқа препараттар қойылды. 

Сонымен қатар, көрмеге азық-түлік белдеуін құруға байланысты жаңбырлатып және тамшылатып суаруға арналған жылыжай кешені жабдықтарын шығаратын өндірушілер қатысты.

Бұдан өзге, асылтұқымды мал түрлерінің  (қой, жылқы, бұқа, түйе) көрмесі ұйымдастырылды. Құс және балық өсіруде қолданылатын құрал-жабдықтарды өндіретін мекеме мамандары мен құрама жем және малға қажетті түрлі дәрумендер шығаратын зауыттардың, ветеринариялық дәрі-дәрмектердің барлық түрін және қолдан ұрықтандыру жабдықтарын шығаратын өндіріс орындары өз өнімдерін таныстырды.

403 рет

көрсетілді

0

пікір
Алдыңғы мақала ТҮРКІСТАН ЖАСТАРЫ НҰР-СҰЛТАН ҚАЛАСЫНА 1000 ТҮП ҚЫЗҒАЛДАҚ СЫЙЛАДЫ
Келесі мақала Атырау облысы Жылыой ауданындағы Желтау жотасында табиғи саябақ жасау жоспарлануда

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *