- Құмсағат
- 18 Қыркүйек, 2019
5 қазанда Головкин екі чемпиондық белбеу үшін жұдырықтасады
Қазақстандық Геннадий Головкин (39-1-1, 35 КО) украиналық Сергей Деревянченкомен (13-1, 10 КО) жекпе-жекте бос тұрған IBF титулымен бірге тағы бір чемпиондық белбеу үшін жұдырықтасады, деп хабарлайды kazgazeta.kz Vesti.kz сайтына сілтеме жасап.
Алдағы жекпе-жекте IBO белбеуі де сарапқа салынады. Бұл туралы Халықаралық бокс ұйымы ресми сайтында жариялады. Орта салмақта IBO белбеуін соңғы рет иеленген Головкиннің өзі болатын, бұл титулды ол 2011 мен 2018 жыл аралығында таққан. Ал IBF белбеуін қазақстандық боксшы 2015-тен 2018-ге дейін иеленді. Сонымен бірге, GGG 2010 бен 2018 жыл аралығы WBA, ал 2016-дан 2018 жылға дейін WBC чемпионы болған.
IBO белбеуі кәсіпқой бокстағы беделдігі жағынан бесінші орында. Мәселен, абсолют чемпион атану үшін WBC, WBA (Super), WBO және IBF титулдары жеткілікті.
675 рет
көрсетілді0
пікір