Тікелей эфир
Тікелей эфир
МАҢЫЗДЫ
  • Айна
  • 20 Қыркүйек, 2019

Мәдениет қызметкерлерінің жалақысы 40 пайызға өседі

ҚР Мәдениет және спорт министрі Ақтоты Райымқұлова Алматы қаласында зиялы қауым өкілдерімен кездесті. Бұл туралы ҚР Мәдениет және спорт министрлігінің баспасөз қызметі хабарлайды. 

Ведомства басшысы мегаполистегі сала қызметкерлерімен өткен жиында президент Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» жолдауы жайлы, онда көрсетілген міндеттерді жүзеге асыру жайында айтып берді.

Министрдің айтуынша, келер жылдан мәдениет саласы қызметкерлерінің еңбекақысы 40 пайызға өседі. Яғни, театр әртістерінің орташа жалақысы 231 мың теңге, ал, кітапхана, музей және архив қызметкерлерінің еңбекақысы 164 мың теңге болады. Сөз барысында министр қазір еліміздегі ең төменгі жалақы мәдениет қызметкерлерінде екенін атап өтті. Ал, саланың дамуы үшін мамандардың әлеуметтік жағдайы жоғары болғаны маңызды. Сондықтан, ұлттың өнері мен руханиятына еңбек сіңіріп жүрген мәдениет қызметкерлеріне мемлекеттік қолдау арта беретінін жеткізді.

«Мәдениет пен өнер қызметкерлерінің жағдайын көтеру жоспарымыздың бір тармағы ғана. Қазір әлеуметтік жеңілдіктер мәселесі пысықталып жатыр. Мәдениет және спорт министрлігі меморандумдар әзірлеп, әкімдіктерге жіберді. Оларды орындау үшін әлеуметтік қолдау шараларын, оның ішінде мәдениет және өнер қызметкерлерінің тұрғын үй жағдайын жақсартуды қамтитын салалық жоспарлар бекітілетін болады. Жастардың тұрғын үй алуы үшін 3 миллион 700 мың теңгенің көлеміндегі бюджеттік несие беріледі», - деді ҚР Мәдениет және спорт министрі Ақтоты Райымқұлова.

Зиялы қауым өкілдері президент Жолдауындағы әлеуметтік мәселелерді шешуге бағытталған бөлігіне ризашылықтарын жеткізді. Мәдениет саласы қызметкерлерінің міндетті әлеуметтік жеңілдіктерді алу мүмкіндігі білім беру және денсаулық сақтау саласы қызметкерлерімен теңесетіні «өте орынды және дұрыс қабылданған шешім болды» деген пікірде.

839 рет

көрсетілді

0

пікір
Алдыңғы мақала "Менің кәсібім" атты жоба іске қосылады
Келесі мақала Қазақстан Елшісі Түрікменстан Президентіне сенім грамоталарын табыстады

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *