Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 04 Қазан, 2019

Сыртқы істер министрінің бірінші орынбасары тағайындалды

Мемлекет басшысының Өкімімен Шахрат Шәкизатұлы Нұрышев Қазақстан Республикасы Сыртқы істер министрінің бірінші орынбасары қызметіне тағайындалды, деп хабарлайды Ақорданың ресми сайты.

Шахрат Шәкізатұлы  1972 жылы 20 маусымда Алматы қаласында дүниеге келді.

Бейжің лингвистикалық университетінің қытай филологиясы факультетін, Әл-Фараби атындағы Қазақ ұлттық университетінің шығыстану факультетін бітірген. 1996 жылдан - ҚР СІМ Азия басқармасының референті.

1997 жылдан - ҚР СІМ Үрімжі қаласындағы атташесі, Төлқұжат-виза қызметінің үшінші хатшысы.

1999 жылдан ҚР-ның Қытай Халық Республикасындағы елшілігінің екінші, бірінші хатшысы. 2004 жылдан - ҚР СІМ Азия және Африка департаментінде бөлім бастығы, басқарма бастығы. 2005 жылдан - ҚР-ның ҚХР-дағы елшілігінде кеңесші, ҚР-ның Шанхай ынтымақтастық ұйымы хатшылығы жанындағы ҚР тұрақты өкілі. 2007 жылдан - ҚР-ның ҚХР-дағы елшілігінің кеңесші-елшісі.

2009 жылдан - ҚР Үкіметінің Ауғанстан Ислам Республикасымен ынтымақтастығы мәселелері жөніндегі арнайы өкілі. Дипломатиялық шені - ІІ класты кеңесші.

2008-2015 жылдары - ҚР-ның Шанхай ынтымақтастық ұйымы мәселелері бойынша ұлттық үйлестірушісі. Қазіргі қызметінде 2015 жылдан бері Қазақстан Республикасының Қытай Халық Республикасындағы Төтенше және Өкілетті Елшісі болды.

2015 жылғы қазаннан бері Қазақстан Республикасының Корей Халық-Демократиялық Республикасындағы Төтенше және Өкілетті Елшісі қызметін қоса атқарды.

506 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *