• АҚПАРАТ АҒЫНЫ
• 29 Қазан, 2019

Тарихқа толы фотокөрме сыр шертті

Қазақстан Республикасы Мемлекеттік орталық музейі Қытай Халық Республикасының Бас консулдығымен бірлесіп «Қытай Халық Республикасының құрылғанына 70 жыл толуын мерекелеу» атты халықаралық фотокөрмесі өз жұмысын бастады.  

   Көрменің салтанатты ашылу рәсіміне ҚХР –ның Алматы қаласындағы Бас консулы Гэн Липин ханым,  Қазақстан Республикасы СІМ-нің Алматы қаласындағы өкілдігінің, дипломатиялық корпустың, мәдени және білім беру мекемелерінің және т. б. өкілдері қатысып сөз сөйлеп, өз ойларын ортаға салды.

   Қытай Халық Республикасы бейбітшілік пен ынтымақтастық тұжырымдамасын ұстана отырып, Қазақстан Республикасымен жан-жақты қарым-қатынасты дамытады. Қазақстан Республикасының Мемлекеттік орталық музейі Қытай Халық Республикасының Бас консулдығымен көпжылдық ынтымақтастық аясында қытай тарихының, мәдениеті мен өнерінің әр түрлі аспектілеріне, бағдарламаларға, біздің елдеріміз арасындағы мәдени байланыстар мен достықты нығайтуға арналған көптеген бірлескен жобаларды іске асырды.

   Бүгінгі әлем тарихи оқиғалар мен қазіргі қоғамның өмірін бейнелейтін көзі болып табылатын фотосуреттерсіз елестету қиын. Көрме экспозициясы соңғы 70 жыл ішінде Қытай Халық Республикасының тарихи дамуы мен әлеуметтік-экономикалық жағдайын көрсететін үш хронологиялық кезеңнің фототаспаны құрайды: Қытай халқы аяққа тұрды (1949-1978 жж.); реформалар мен ашықтықтың қолайлы кезеңі (1978-2012 жж.); дамудың жаңа дәуірінде батыл қозғалысы (2012 ж. бастап қазіргі уақытқа дейін ҚКП 18-ші съезінен кейін).

150 жарқын суреттерден тұратын фотокөрме 1949 жылдан бастап 2019 жылға дейін ҚХР-ның құрылысы мен дамуы, саясат, экономика, қоғам, мәдениет, экология, қалалар құрылысы және халықтың өмір сүру жағдайын жақсарту, коммуникациялар мен технологиялар, ғылым, білім беру, медицина, спорт, өнер және т.б. салалардағы қиындықтар мен жетістіктер туралы толық көлемде көрініс табады.

                                                                                    Нұрлан ҚҰМАР