Тікелей эфир
Тікелей эфир
МАҢЫЗДЫ
  • Аймақ тынысы
  • 12 Желтоқсан, 2019

ТҮРКІСТАН ОБЛЫСЫНДА ҚЫЛМЫС ДЕҢГЕЙІ 24,3 ПАЙЫЗҒА ТӨМЕНДЕГЕН

Түркістан облысында ағымдағы жылдың 11 айында қылмыс деңгейі 24,3 пайызға төмендеген. Аса ауыр қылмыстар – 15,5 пайызға, ауырлығы орташа қылмыстар – 34 пайызға, ал жеңіл қылмыстар – 3  пайызға төмендеген. Бүгін бұл туралы ҚР Бас прокуратурасы құқықтық статистика және арнайы есепке алу комитеттінің Түркістан облысы бойынша басқармасының бөлім прокуроры Ботабек Нұрманов Өңірлік коммуникациялар қызметінде өткен брифингте мәлімдеді, деп хабарлады облыстық Өңірлік коммуникациялар қызметі Сондай-ақ, кісі өлтіру фактілері – 28,6 пайызға, қарақшылық – 23,1 пайызға, бұзақылық – 30,8 пайызға төмендеген. «2019 жылдың 11 айында бұрын қылмыс жасаған тұлғалармен жасалған қылмыс 3,2 пайызға төмендегені байқалады. Есірткі және мас халдегі тұлғалармен жасалған қылмыстар 0,2 пайызға төмендесе, топпен жасалған қылмыс – 1,9 пайызға өскен.  Өкініштісі, өз-өзіне қол жұмсау фактілері 21 пайызға өсіп отыр. Әсіресе, өз-өзіне қол жұмсау деректері көбіне әйел азаматшалармен жасалған», - деді Ботабек Бегінбекұлы. Сонымен қатар, 2019 жылдың 11 айында еліміз бойынша 5 608 532 әкімшілік құқықбұзушылық тіркелсе, оның 4,1 пайызы Түркістан облысына тиесілі. «Облысымызда қаралған әкімшілік істерді өткен жылмен салыстырғанда 8,4 пайызға кеміген.  Әкімшілік істердің 20 412-і сотпен, 203 747-і уәкілетті органдармен қаралған. Қаралған әкімшілік істер бойынша  2 117 367 551 теңге айыппұл салынып, мемлекет кірісіне 1 435 836 792 теңге айыппұл өндірілген, яғни салынған айыппұлдардың өндіру пайызы – 67,8  пайызды құрады», – деді ҚР Бас прокуратурасы Құқықтық статистика және арнайы есепке алу жөніндегі комитетінің Түркістан облысы бойынша басқармасының бөлім бастығы Қуаныш Сраилов. Қаралған әкімшілік істердің 84,1 пайызы – полиция органдарымен, 5,8 пайызы  –Мемлекеттік кірістер департаментімен, 1,4 пайызы – Тауарлар мен көрсетілетін қызметтердің сапасы мен қауіпсіздігін бақылау департаментімен, 1,1 пайызы – Әділет департаментімен тіркелген,  0,6 пайызы – Төтенше жағдай департаменті мамандарымен тіркелген. Қазіргі таңда, әкімшілік хаттамаларды электронды форматқа ауыстырып, планшет арқылы электронды түрде толтыру жүзеге асырылуда. Мәселен, Түркістан облысы полиция органдарымен планшет арқылы 109 562 әкімшілік құқықбұзушылық тіркеліп, 514 041 755 теңгеге айыппұл салынған,  оның 358 447 983 теңгесі өндіріліп отыр.

577 рет

көрсетілді

0

пікір
Алдыңғы мақала ТҮРКІСТАН ОБЛЫСЫНДА 7 МЛН-НАН АСТАМ ЭЛЕКТРОНДЫ МЕМЛЕКЕТТІК ҚЫЗМЕТ КӨРСЕТІЛГЕН
Келесі мақала ТҮЛКІБАСТА АНАЛАР САЯБАҒЫ БОЙ КӨТЕРУДЕ

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *