Тікелей эфир
Тікелей эфир
МАҢЫЗДЫ
  • Инфографика
  • 07 Ақпан, 2020

Қайда көбірек ақша аударамыз?

Соңғы жылдары, қандай сауда-саттықта болса да, немесе туған-туыстарға, шет елдерде оқып жатқан бала-шағамызға да ақшаны аудару жүйелері арқылы жөнелте салу дағдыға айналды. Пайдасы ұшан-теңіз: баяғыдай пошта жағалап уақыт жоғалтпайсыз, кейде тіпті діттеген мезгілінде жетпей жүйкеңізді жұқартпайсыз да. Енді осындай аударылымдар өткен, 2019 жылы қалай жүзеге асырылды, қай елдерге көбірек ақша аудардық екен, соны http://www.ranking.kz сайты жария еткен хабарлама мәліметтеріне сай қысқаша шолып өтсек.

Қазақстан Республикасынан шет елдерге ақша аударымдар жүйесі (ААЖ) арқылы 2019 жылы 655,2 млрд теңге болған. Бұл 2018 жылға қарағанда 8,9%-ға артық. Банк карталары арқылы жасалған транзакциялар саны 1,7% немесе 2,6 млн-ға дейін қысқарған. Әйтсе де, бұл бір ау­дарылымның орташа чегін 224,9 мыңнан 249,1 мың теңгеге дейін ұлғайтуға мүмкіндік берген (1-инфографика).

ААЖ арқылы шет елдерге жөнелтілген ақшаның барлық көлемінен Ресейге 208,8 млрд теңге тиесілі екен. Бұл – бұдан бір жыл бұрынғыдан 10,6%-ға кем. Екінші орында Өзбекстан – 139,2 млрд теңге. Бұл ел РФ-мен көрсеткішін шұғыл азайта түскен: соңғы жылдағы өсім бірден 24,7% болыпты. Ақша аударымдары жүзеге асырылған ТОП-3 елді Түркия қорытындылайды: 93,4 млрд теңге – 2018 жылдың қаңтар-жел­тоқсанына қарағанда 32,8% артық (2-инфографика).

Шет елдерге жөнелтілген ақша аударымдары жүйесі арасында «Золотая Корона» үлкен айырмашылықпен үздік келеді: 480,8 млрд теңге, бір жылғы өсім – 20,6%. Барлық көлемдегі үлесі 66,2%-дан 73,4%-ға дейін өскен. Үздіктің соңын ала Western Union (75,4 млрд теңге) және Contact (24,9 млрд теңге) орна­ласқан (3-инфографика).

Иса ҚАМБАР

2608 рет

көрсетілді

0

пікір
Алдыңғы мақала Коронавирус: Күдік туса, кімге хабарласқан дұрыс? (инфографика)
Келесі мақала Кредитті кімдер алады?

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *