Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 13 Ақпан, 2020

Асқар Мамин ДДСҰ Еуропалық аймақтық бюросының директорымен кездесті

ҚР Премьер-Министрі Асқар Мамин Дүниежүзілік денсаулық сақтау ұйымының (ДДСҰ) Еуропалық аймақтық бюросының директоры Ханс Клюгені қабылдады. Х. Клюге Қазақстанның Үкімет басшысына Нұр-Сұлтан қаласына сапары барысында ҚР Денсаулық сақтау министрлігі мен ДДСҰ Еуропалық аймақтық бюросы арасындағы 2020-2021 жылдарға арналған келісімге қол қою туралы хабарлады. «Қазақстан денсаулық сақтауды дамыту, медициналық көмектің сапасы мен қолжетімділігін жақсарту, алғашқы медициналық-санитарлық көмекті реформалау мәселелері бойынша Дүниежүзілік денсаулық сақтау ұйымымен белсенді ынтымақтастық орнатқан», - деді А. Мамин. Үкімет басшысы ҚР аумағында коронавирустың пайда болуы мен таралуына жол бермеу жөніндегі ведомствоаралық комиссияның қызметі, сондай-ақ Қазақстанда азаматтарды коронавирустық инфекциядан қорғау бойынша қабылдаған шаралар туралы айтып берді. «Қазақстан коронавирусқа қарсы күрес аясында аурудың алдын алу, диагноз қою және карантин шаралары бойынша ДДСҰ-ның ұсынымдарын ұстанады», - деді А. Мамин. Тараптар коронавируспен күрес, алғашқы медициналық-санитарлық көмек, денсаулық сақтауды цифрландыру, МӘМС енгізу, төтенше жағдайлар медицинасы және т. б. қоса алғанда, Қазақстанның ДДСҰ-мен ынтымақтастығы мәселелерін талқылады. Кездесуге ҚР Премьер-Министрінің орынбасары Ералы Тоғжанов, Денсаулық сақтау министрі Елжан Біртанов, Сыртқы істер министрінің орынбасары Марғұлан Баймұхан, сондай-ақ ДДСҰ-ның ҚР-дағы тұрақты өкілінің міндетін атқарушы Кэролайн Кларинваль қатысты. Қазақстан ДДСҰ-ға 1992 жылы 19 тамызда қосылды, географиялық жағынан ҚР ДДСҰ-ның Еуропалық аймағына жатады. Нұр-Сұлтан қаласында Ұйымның елдік офисі жұмыс істейді. 2015 жылы Алматы қаласында Дүниежүзілік денсаулық сақтау ұйымының алғашқы медициналық-санитарлық көмек (АМСК) бойынша географиялық қашықта орналасқан офисі ашылды. 2018 жылдың қазан айында ҚР астанасында АМСК бойынша жаһандық конференция өткізілді, оның қорытындысы бойынша Астана декларациясы қабылданған болатын. Биыл 3-8 ақпанда Женева қаласында өткен ДДСҰ Атқарушы комитетінің 146-отырысында АМСК (Operational Framework on PHC) оперативті негізі бойынша шешім қабылданды, оның мәтінін келісу Қазақстанның төрағалық етуімен өтті. inform.kz 

415 рет

көрсетілді

0

пікір
Алдыңғы мақала Президент қоғам қайраткері Әділ Ахметовті қабылдады
Келесі мақала «Қорғас» орталығын жабу мерзімі тағы да ұзартылды

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *