• АҚПАРАТ АҒЫНЫ
• 01 Сәуір, 2020

«Алматы» телеарнасынан математика сабақтары көрсетіледі

«Алматы» телеарнасында 9-11 сынып мектеп түлектері үшін бағдарламалық материалды сапалы игеру мақсатында жаратылыстану, математикалық бағыттағы сабақтар көрсетіледі. Бұл туралы қалалық білім басқармасының басшысы Ләззат Жылқыбаева айтты. «IV тоқсанның басынан бастап бірінші сыныптан 11 сыныпқа дейінгі оқушыларға аптасына 5 күн «Балапан» және «Еларна» телеарналарында сабақтар көрсетіледі. Сонымен қатар, «Алматы» телеарнасында 9-11 сынып мектеп түлектері үшін бағдарламалық материалды сапалы игеру мақсатында жаратылыстану, математикалық бағыттағы сабақтар көрсетіледі. Бұл сабақтар күн сайын «Алматы» телеарнасында сағат 11.00-13.00 аралығында эфирге шығып отырады. Сабақты тәжірбиелі мұғалімдер екі тілде өткізеді», - дейді басқарма басшысы. Бүгін қаланың барлық мектептерінде сынақ сабағы өткізілді. «Бұл сабақтың негізгі мақсаты – жүйенің қалай жұмыс істейтінін білу, олармен байланыс орнатуға, тестілеуге, жүйенің жұмысымен танысуға дайындық. Ертең, 2 сәуір күні ата-аналар жиналысы өтеді. 3 сәуірде оқушыларға сынып сағаттары жүргізіледі», - деді ол. inform.kz