- АҚПАРАТ АҒЫНЫ
- 28 Сәуір, 2020
ӘУЕ РЕЙСТЕРІНЕ БИЛЕТТЕР БҮГІННЕН БАСТАП САТЫЛЫМҒА ШЫҒАДЫ!
1 мамырдан бастап Нұр-Сұлтан – Алматы әуе қатынасы ашылады. Қалалар арасында күніне 6 рейс жасалады. Оның ішінде 2 рейсті "Air Astana", тағы екеуін "Qazaq Air", 1 рейсті "Fly Arystan" және тағы біреуін "SCAT" әуе компаниясы орындайды.
⠀
Билеттер бүгіннен сатылымға шығады. Әуе компаниялары олардың бағасын ТЖ-ға дейінгі деңгейде сақтауға міндетті. ҚР Индустрия және инфрақұрылымдық даму министрлігі ұшуға қойылатын талаптарды атады:
⠀
жолаушыларда COVID-19 тестінен өткені және оның нәтижесі теріс болғаны туралы анықтама болуы қажет (оның қолданылу мерзімі - 7 күн);
жеке қорғаныс құралдарын пайдалану (бетперделер, қолғаптар);
термометрия, әлеуметтік қашықтық сақтау;
әуежайлар мен ұшақтарды күшейтілген негізде залалсыздандыру.
⠀
Санитарлық қауіпсіздік талаптары қатаң сақталуы тиіс. Оған сәйкес, бұл рейстерде бортта тамақ берілмейді. Жолаушылар коронавирус инфекциясына тестті өз қаражаты есебінен тапсыруы қажет.
775 рет
көрсетілді0
пікір
