• Безбен
• 21 Маусым, 2021

Өндірісшілердің вакцина егуге ынтасы артты

Әлем әбігерге түсті, дерт дендемеуі үшін дабыл қақты. Елімізде жаппай екпе егу арқылы ұжымдық иммунитет қалыптастыру, індеттің алдын алу жұмыстары жүруде.

Қазіргі пандемия жағдайынан тек вакцина қабылдау арқылы ғана шыға алатыныз белгілі. Қазіргі таңда, Жаңақорған ауданы бойынша 10106 азамат «Спутник V» (5175), «Hayat vax» (4619) және «CoronaVac» (312) вакцинасын ерікті түрде қабылдады.

Сонымен қатар, ауданда орналасқан кәсіпорындар белсенділігі өсіп отыр. Атап айтқанда, «СКЗ-У» ЖШС-нің 229 қызметкері (жалпы қызметкердің 85,44%), «Қызылқұм» ЖШС-нің

362 қызметкері (жалпы қызметкердің 80,11%), «Шалқия Цинк» ЛТД АҚ-ның 405 қызметкері (жалпы қызметкердің 72,23%) және «Байкен-У» ЖШС-нің 194 қызметкері  (жалпы қызметкердің 51.45%) ерікті түрде вакцина қабылдады. Бұл денсаулыққа деген елдің көзқарасы кеңейгенін көрсетті. Жалпы, Жаңақорған ауданы жұртына жеңіл болу үшін вакцина егу жұмыстары көшпелі жағдайға көшті. Қазір барлық медицина ұйымында күнделікті сағат 8:00 ден түнгі сағат 22:00 аралығында короновирусқа қарсы вакцина егу жұмыстары тұрақты жүргізілуде.