- Аймақ тынысы
- 19 Шілде, 2021
Нұр-Сұлтан әуежайы 17 сағаттық режимге ауысады
21 шілде мен 9 тамыз аралығында Нұрсұлтан Назарбаев халықаралық әуежайы тәулігіне 24 сағаттан 17 сағаттық режимге ауысады. Әуежай ұшатын жолаушыларға рейстердің келу-кету уақытын қосымша нақтылап отыруға кеңес берді.
Әуежайдың баспасөз қызметінің хабарлауынша, бұған осы кезеңде ұшу-қону жолағы мен жарық-сигналдық жабдықтарын жоспарлы жөндеу жұмыстары себепкер болмақ.
«2021 жылғы 21 шілде мен 9 тамыз аралығында әуежайдың жұмыс уақыты тәулігіне 24 сағаттан 17 сағатқа дейін қысқартылады. Жөндеу жұмыстары күн сайын сағат 11-ден кешкі 18-ге дейін жүргізіледі. Бұл жұмыстар 1 сәуірден бастап барлық авиакомпаниялармен алдын ала келісілді, соған сәйкес олар рейстер кестесін өзгертті. Осыған байланысты барлық жолаушылардан әуежайға алдын ала тіркелуге және авиакомпаниялардың колл-орталықтарында рейстердің ұшу уақыты туралы толық ақпаратты нақтылауды сұраймыз», — делінген хабарламада.
kaz.holanews.kz
1031 рет
көрсетілді0
пікір