• Құмсағат
• 22 Шілде, 2021

Гвинея құрамасы Олимпиада ойындарына қатысудан бас тартты

Гвинея коронавирусқа байланысты өз командасын Токио Олимпиадасына жібермеуге шешім қабылдады, деп хабарлайды Africaguinee спорт министрі Санусси Соуға сілтеме жасап.

Олимпиадаға еркін күрес, дзюдо, жүзу және жеңіл атлетика бойынша жарыстарға қатысу үшін бес спортшы жіберілуі керек еді.

«Covid-19 мутациясының күшеюіне байланысты Үкімет Гвинея спортшыларының денсаулығын сақтауға алаңдайды және Гвинеяның Токиодағы ойындарға қатысуын тоқтату туралы өкінішпен шешім қабылдады», – делінген министрдің Гвинея Олимпиада комитетінің басшысына жазған хатында.

Дереккөз AFP–ге бұл шешім іс жүзінде мемлекеттің қаржылық проблемаларына байланысты екенін айтты. Олардың айтуынша, министрлік спортшылардың шығындарын төлей алмайды.

Айта кетсек, Гвинея Олимпиада ойындарына 11 рет қатысты. Сондай-ақ, бұл елдің спортшылары ешқашан медаль алған емес.