Тікелей эфир
Тікелей эфир
МАҢЫЗДЫ
  • Құмсағат
  • 22 Шілде, 2021

"Астана" –"Арис" бәсекесінде кім жеңеді?

Еліміздің алты дүркін чемпионы "Астана" клубы бүгін еурокубок маусымын бастайды. УЕФА-ның жаңа турнирі саналатын Конференция Лигасында Андрей Тихонов баптайтын ұжым Грекияның "Арисін" қабылдайды.

Жалпы "Арис" – Грекия біріншілігінде үш рет (1928, 1932, 1946) чемпион атанған. Өткен маусымда Грекия біріншілігінде үшінші орын алған бұл команданың еурокубокте тәжірибиесі аз демесеңіз, әлеуеті өте жоғары. Араға 40 жыл салып бұл команда ішкі біріншілікте қола жүлдегер атанды. Соның арқасында еурокубокке қатысуға жолдама алып отыр.

Ал негізі 2014 жылы клуб қаржылық қиындықтарға тап болып, өзінің 100 жылдығын тойлап өте де алмай қалды. Амалсыз аудандық лигаларға дейін түсіп, қайта өрледі. Жылдам арада қайта шығып, біріншіліктің берік командаларының біріне айналды.

Трансферлік маусымда "Галатасарай", "Вердер" секілді командаларда ойнаған босниялық шабуылшы Изет Хайровичті қатарына қосты. Сонымен қатар, бразилиялық қақпашы Дени Сезер де Матос та "Арис" командасының намысын қорғайды. Бұлардан бөлек команданың негізгі ойынын жүргізетін аргентиналық легионерлерді де айта кетуіміз қажет. Бертольо Факундо мен Даниель Манчини секілді футболшылар жартылай қорғаныстың серкелері. Шабуылшы Димитриос Манос өткен біріншілікте 35 ойында 7 гол салып, команданың үздік сұрмергені атанды. 

Transfermarket сайтының мәліметі бойынша "Арис" аяқдопшыларының құны 13,55 млн еуроны құрайды. Матео Гарсия (1,8 млн еуро) команданың ең бағалы ойыншылар тізімін бастап тұр. 18 шетелдік футболшысы тіркелген команданың орташа жасы - 27,1.

Ал "Астана" еурокубоктегі 79-кездесуін өткізеді. Елордалықтар кәрі құрлық жарыстарында өз алаңында 21 рет жеңіске жеткен. Әр жылдары "Манчестер Юнайтед", "Ренн", "Легия", АПОЭЛ сынды азулы ұжымдар сарыарқа даласынан ұпайсыз қайтқан болатын.

Бұл матчта басымдық елордалықтарда деп айтуға болады. Себебі чемпионатта 19 ойын өткізген. Сонымен қатар, Қазақстан Кубогінде 2 кездесуі және бар. Одан бөлек, "Астана Аренада" жасанды төсеніш болғандықтан, алаң иелерінің бірінші ойында жеңіске жетуіне толықтай негізі бар. Аталмыш матч жанкүйерсіз өтеді.

558 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз