Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 22 Шілде, 2021

Нұр-Сұлтанда эпидемиологиялық жағдай күрделенді

Елордада соңғы бір аптада коронавирус инфекциясын күн сайын 1200-ден 1500-ге дейін адам жұқтырғаны анықталуда. Қаладағы эпидемиологиялық жағдай туралы Нұр-Сұлтан қаласының Бас мемлекеттік санитарлық дәрігерінің орынбасары Жанна Пірәлиева айтып берді, деп хабарлайды елорда әкімдігінің ресми сайты.

«Елордада COVID-19 инфекциясы бойынша эпидемиологиялық жағдай күрделі. Күн сайын коронавирус инфекциясын жұқтырған 1200-1500 науқас тіркеледі. Соңғы аптада COVID-19 инфекциясының 9934 оқиғасы тіркелді, бұл алдыңғы аптадан 37,5%-ға жоғары», - деді елорданың санитарлық дәрігерінің орынбасары.

Оның айтуынша, науқастардың 80,6%-ы – ересектер, 16,6%-ы – балалар, 2,7%-ы – жасөспірімдер.

Эпидемиологтар КВИ ауруының күрт өсуіне «Дельта» штаммының таралуы себеп болып отырғанын жеткізді. «Дельта» індеттің жылдам таралуына әсер етіп, науқасты өте ауыр күйге түсіреді.

«Сондай-ақ, науқастардың өсуіне жазғы демалыс та себеп болып отыр. Жұрт ел ішінде емін-еркін қатынап жүр. Маска режимін, адам көп жиналатын орындарда қорғаныс талаптарын елемейді», - деп толықтырды Жанна Пірәлиева.

 

112 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *