• Шартарап
• 05 Тамыз, 2021

Әлемде коронавирустан жұқтырғандар саны 200 миллионнан асты

Әлем 200 миллиондық межеге жетті. Статистикаға сәйкес анықталған COVID-19 эпизодтарының жалпы саны 200 014 602-ді құрады, эпидемиядан зардап шеккендер саны 4 252 873 адам, деп хабарлайды коронавирустың таралуына жол бермеу жөніндегі ВАК жұмысы туралы баспасөз қызметі.

Ең жоғарғы көрсеткіш АҚШ-та вирус жұқтыру бойынша 35 292 721 жағдай анықталды және 614 666 адам қайтыс болды.

Одан кейін 31 769 132 дерекпен Үндістан екінші орында тұр. Алғашқы үштіктегі тағы бір ел Бразилия-19 985 817 жағдай. 4 млн және одан да жоғары көрсеткіш Ресей, Франция, Ұлыбритания, Түркия, Аргентина, Колумбия, Испания, Италия және Иранда тіркелді.

Айта кетсек, вакцина алмаған адамдар көз жұмудың жоғары қаупі бар тәуекел тобында. Латвияда маусым айында қайтыс болғандардың 99,2%-і COVID-19 салдарын көз жұмған, оның 117-сі вакцина салдырмағандар. Басқалары екпе курсын толығымен аяқтамаған. COVID-19 бойынша ауыр асқынулармен ауруханаға түскендердің басым көпшілігі созылмалы аурулары бар егде жастағы науқастар.