• Құмсағат
• 14 Қыркүйек, 2021

UEFA Чемпиондар лигасын қайдан тамашалауға болады?

Бүгін футболдан UEFA Чемпиондар лигасы топтық кезеңі басталады, деп хабарлайды  Kazgazeta.kz.

Алғашқы тур ойындары екі күнге белгіленген.

Бүгін, 14 қыркүйекте E, F, G, H топтарында ойындар өткізіледі.

E тобындағы «Барселона» (Испания) мен «Бавария» (Германия) кездесуі елорда уақытымен 00:50-де басталып, «Qazsport» телеарнасынан тікелей эфирінде көрсетіледі.

Бұл топта тағы бір ойында «Динамо Киев» (Украина) мен «Бенфика» (Португалия) шеберлік байқасады.

Сондай-ақ, қазақстандық жанкүйерлер H тобындағы «Челси» (Англия) мен «Зенит» (Ресей) кездесуін «Qazaqstan» телеарнасынан тамашалай алады.

Аталған топтағы тағы бір ойында «Мальме» (Швеция) мен «Ювентус» (Италия) жасыл алаңға шығады.

F тобында «Янг Бойз» (Швейцария) бен «Манчестер Юнайтед» (Англия), «Вильрреал» (Испания) мен «Аталанта» (Италия) кездессе, G тобында «Севилья» (Испания) мен «Ред Булл» (Австрия), «Лилль» (Франция) мен «Вольфсбург» (Германия) өзара айқасады.

Ал ертең А, В, С, D топтарындағы командалар алғашқы тур ойындарын өткізетін болады.