Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 16 Қыркүйек, 2021

Алматы облысында парашютпен секіру кезінде әскери қызметші қаза тапты

Қазақстандық әскери қызметкер парашютпен секіру кезінде қайтыс болды. Қайғылы жағдай 14 қыркүйекте Алматы облысында болған. Бұл туралы Қорғаныс министрлігі өкілдері хабарлады. 

"2021 жылы 14 қыркүйекте Алматы облысында жоспарлы оқу парашютпен секіруді орындау кезінде Қарулы Күштердің әскери қызметшісі, 1990 жылы туған "капитан" әскери шені бар офицер қаза тапты. Қалған жеке мәліметтер туыстарының өтініші бойынша жария етілмейді", - делінген хабарламада.

Министрліктің мәліметінше қайтыс болған әскери 50-ге жуық парашютпен секіру тәжірибесіне ие. Ол штаттан тыс парашютпен құтқару тобының мүшесі болған. Өлім себептері мен мән-жайы анықталу үстінде.

"Қорғаныс министрлігінің басшылығы мен Қарулы Күштердің жеке құрамы қайтыс болған әскеридің туыстары мен жақындарына қайғыларына ортақтасып көңіл айтады. Қорғаныс министрлігі әскери қызметшінің отбасына көмек көрсету үшін қажетті шараларды қабылдайды", - деп хабарлады министрлік өкілдері.

77 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *