- АҚПАРАТ АҒЫНЫ
- 21 Қыркүйек, 2021
Атырау облысында жанармай тасымалдайтын көлік өртенді
Атырау облысында жанармай тасымалдайтын көлік өртенді.
Облыстық төтенше жағдайлар департаментінің баспасөз қызметі таратқан ақпаратқа қарағанда, көлік өрті кеше, 20 қыркүйекте сағат 18:42 шамасында болған.
«Департаменттің диспетчерлік пультіне «Атырау-Индер» тас жолындағы Бесікті ауылының тұсында жанар-жағармай тасымалдайтын көлік өртеніп жатқаны туралы хабар түсті.
Оқиға орнына жедел жеткен өрт сөндірушілер сыйымдылығы 23 тонналық жүк көлігінің кабинасы толық өртенгенін анықтады. Жалын сағат 19:09-да оқшауланып, сағат 19:13-те сөндірілді. Өртті сөндіруге арнаулы қызметтің 8 қызметкері мен 2 көлігі жұмылдырылды. Көліктің өртенуіне электр жүйесінің қысқаша тұйықталуы себеп болған», - деп хабарлады департаменттің баспасөз қызметі.
546 рет
көрсетілді0
пікір