Тікелей эфир
Тікелей эфир
МАҢЫЗДЫ
  • Айна
  • 22 Қазан, 2021

Ы.ЖАҚАЕВТЫҢ 130 ЖЫЛДЫҚ МЕРЕЙТОЙЫНА ОРАЙ АУЫР АТЛЕТИКАДАН ЖАСӨСПІРІМДЕР АРАСЫНДА ТУРНИР ӨТТІ

Бүгін аудандық мәслихат хатшысы Т.Жағыпбаровтың қатысуымен Қазақстан Республикасы Тәуелсіздігінің 30 жылдығы аясында Екі мәрте Социалистік Еңбек Ері даңғайыр диқан Ы.Жақаевтың 130 жылдық мерейтойына орай жасөспірімдер арасындағы ауыр атлетикадан ұйымдастырылған республикалық турнир өтті.

Турнирге, елімізде ауыр атлетиканың дамуына үлес қосып жүрген бүгінгі біздің турниріміздің құрметті қонағы әлемнің төрт дүркін чемпионы атанған, Қазақстанның еңбегі сіңірген спорт шебері біздің мақтанышымыз Илья Ильин, Ы.Жақаевтың ұлы С.Жақаев, аудандық қоғамдық кеңес төрағасы Шиелі ауданының құрметті азаматы П.Архабаев, аудан әкімінің орынбасары А.Есмаханов пен зиялы қауым өкілдері мен БАҚ өкілдері қатысты.

Қазақстан Республикасы Тәуелсіздігінің 30 жылдығы аясында Екі мәрте Социалистік Еңбек Ері даңғайыр диқан Ы.Жақаевтың 130 жылдық мерейтойына орай 23 жасқа дейінгі жастар арасындағы ауыр атлетикадан ұйымдастырылған республикалық турнирге ұлдар  және  қыздар арасында 10 салмақ дәрежесі бойынша 100-ден астам ауыратлетшілер бақ сынамақ.

Турнирге Қырғыстан мемлекетінен, Алматы қаласы, Батыс Қазақстан облысы, Жамбыл облысы, Шымкент қаласы, Түркістан облысы, Ақтөбе облысы, Қызылорда облысы, Шиелі ауданының спортшылары қатысуда.

Еңбектегі қаһармандығы үшін әйгілі күріш өсірушіге 1949 және 1971 жылдары екі рет Социалистік Еңбек Ері атағы берілді. Ыбырай атамыз сонымен қатар, 1946 жылы КСРО Мемлекеттік сыйлығымен марапатталса, Қазақ ССР Жоғары Кеңесінің үш мәрте депутаты, Қазақ ССР Жоғарғы Совет Президумының мүшесі болды, 4 рет Ленин және Еңбек Қызыл Ту орденімен, бүкілодақтық халық шаруашылығы жетістіктері көрмелерінің 4 алтын медалімен марапатталды.

Сөз соңында, аудандық мәслихат хатшысы Т.Жағыпбаров жарысқа қатысушы спортшыларға сәттілік тіледі.

Шиелі ауданы әкімдігі

263 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *